|
|
|
|
|
Samstarf um flokkun við sveitarfélög
|
 |
 |
|
|
|
|
|
Íslenska Gámafélagið hefur verið brautryðjandi í kynningu og fræðslu til sveitafélaga um flokkun sorps og moltugerð. Þar sem flokkað er lífrænt (brún tunna), pappa, dagblöð, fernur og fl. (græn tunna) og almennt sorp (grá tunna).
Í janúar árið 2008 tók Stykkishólmur, fyrst sveitarfélaga, af skarið þar sem allir íbúar hófu að flokka eftir kerfi Íslenska Gámafélagsins. Í kjölfarið fylgdi fyrsta dreifbýlið á landinu, Flóahreppur svo og Skaftárhreppur stuttu síðar. Um miðjan nóvember mun afmarkað íbúasvæði hjá öðru stærsta sveitarfélag landsins, Kópavogi fara í flokkun sorps og moltugerð. Í lok árs mun Hveragerði bætast í hóp þeirra sveitafélaga sem vilja flokka og moltugera.
Ástæðan fyrir því að áhugi sveitafélaga er það mikill liggur meðal annars í því hve framkvæmdin er auðveld og starfsfólk Íslenska Gámafélagsins leggur mikla áherslu á að fræða íbúa um flokkun með því að ganga í hvert hús svo og hafa sveitafélög einnig meiri yfirsýn hvernig hráefnið flokkast og eftir því sem fer minna í urðun lækkar það gjöld sveitafélag enn frekar. Einnig liggur ástæðan í því að Ísland ásamt öðrum löndum innan ESB verða að uppfylla ákvæði um að minnka urðun á lífrænum úrgangi skv. tilskipun sambandsins. Frá og með 1. janúar 2009 skal lífrænn heimilis- og rekstrarúrgangur, sem berst til urðunarstaða, að hafa minnkað niður í 75% og 35% árið 2020. Ástæða þessa er að urðun er ekki umhverfisvæn aðgerð. Við urðun geta ýmis óæskileg efni lekið út í umhverfið og mengað jarðveg, grunnvatn og loft. Kostnaður við urðun mun aukast og vegalengd í urðunarstaði verður lengri og sú mengun sem fylgir því að flytja úrgang milli landssvæða eykst.
Ofangreind sveitafélög hafa í samvinnu við Íslenska Gámafélagsins tekið forystu í endurvinnslu á lífrænu sorpi og pappír. Þar sem allir íbúarnir eru þátttakendur í að gera bæinn sinn umhverfisvænni en áður.
Umhverfið er þitt hverfi! |
|
|
|
|
