|
|
|
|
|
Bylgjupappi – má fara beint í tunnuna:
|
 |
 |
|
|
|
|
|
Einkenni og ástand
Bylgjupappa er hægt að þekkja af bylgjum sem sjást ef brúnir hans eru skoðaðar. Bylgjupappi er í umbúðum eins og t.d. pitsukössum og pappakössum. Bylgjupappann má setja beint í Grænu tunnuna. Það er í lagi ef bylgjupappinn er áprentaður, plasthúðaður, límdur eða litsterkur. Mikilvægt er að ekki séu matarleifar eða aðrir aðskotahlutir með pappanum. Óhreint hráefni hentar ekki til endurvinnslu og getur skemmt útfrá sér!
Hvað verður um þennan flokk í Flokkunarmiðstöð Íslenska Gámafélagsins?
Bylgjupappinn er flokkaður sér, frá öllum hinum hráefnunum. Bylgjupappi sem er óhæfur til endurvinnslu er komið til urðunar, en með því að flokka erum við að forðast að urða hráefnin. Pappanum er safnað saman þar til nægilegt magn er til að fylla gám til útflutnings. Þá er pappinn settur í öfluga pressu. Pressan rúmmálsminnkar pappann niður í 800 kg stórbagga. Böggunum er svo komið fyrir í stórum gám sem sendur er til endurvinnslufyrirtækja erlendis. Með því að flytja pappann úr landi erum við að nýta pláss í kaupskipum sem koma hingað til lands með vörur, en sigla tóm til baka.
Hvað gera endurvinnslufyrirtækin við hráefnið?
Úr hverjum 5 kössum má framleiða 4 nýja. Þessi setning segir meira en mörg orð um hve gott hráefni til endurvinnslu bylgjupappinn er. Endurvinnslufyrirtæki nýta hráefnið til að búa til nýjan bylgjupappa sem svo kemur til okkar í formi nýrra pappakassa eða umbúða. |
|
|
|
|
