|
|
|
|
|
Dagblöð og tímarit – má fara beint í tunnuna:
|
 |
 |
|
|
|
|
|
Einkenni og ástand
Í þennan flokk fara dagblöð, glanstímarit, auglýsingabæklingar, skrifpappír og prentpappír frá heimilum, flest umslög (án glugga), afgreiðsluseðlar úr verslunum og þessháttar. Hráefnið verður að vera laust við matarleifar og vera þurrt. Hefti eru óskaðleg, en gorma ætti að rífa frá og setja með minni málmhlutum í sér poka eins og greint er frá í kafla um minni málmhluti. Límband, umslög með plastgluggum og annað límt hráefni verður að flokka frá og setja með almennu sorpi vegna þess að límið skemmir endurvinnslumöguleika pappírsins. Ekki ætti að setja mikið ámálaðan pappír með þar sem hann er óhæfur til endurvinnslu.
Hvað verður um þennan flokk í Flokkunarmiðstöð Íslenska Gámafélagsins?
Pappírinn fer í gegn um flokkunarband þar sem sérhæft starfsfólk fer í gegnum hráefnið og flokkar eftir hverjum flokk, t.d. gæðapappír sér og dagblöð sér. Líkt og með bylgjupappann er hráefninu safnað saman og ónýtu hráefni komið til urðunar. Þegar nægilegt magn er til af hverjum flokk, er hann rúmmálsminnkaður hver fyrir sig í öflugri pressu. Pressan nær að þjappa hráefninu saman í 800 kg stórbagga. Böggunum er því næst komið fyrir í stórum gám sem sendur er til endurvinnslufyrirtækja erlendis. Með því að flytja hráefnin úr landi erum við að nýta pláss í kaupskipum sem koma hingað til lands með vörur, en sigla tóm til baka.
Hvað gera endurvinnslufyrirtækin við hráefnið?
Endurvinnslufyrirtækin taka við pappírnum og koma honum áfram til pappírsverksmiðja þar sem hann er nýttur áfram við pappírsgerð. Hvítur skrifstofupappír er endurunninn í nýjan skrifstofupappír. Dagblöð má t.d. nýta við framleiðslu á salernisrúllum. Í grunninn má segja að endurvinnslan byggist á því að framleiða vörur úr endurunnum pappír. Það er hagkvæmara framleiðslulega séð sem og fyrir náttúruna. |
|
|
|
|
